MA TAATOU KATOA TE REO

Naaku teenei reo.

Nau teenei reo.

Na taatou tenei reo. Ma matou, ma tatou tenei reo.
-

Engari me pehea te whakatinana i enei korero ooku?

Ki au nei, ehara ma nga hunga pakipaki noa iho [language elitists].

Ehara na tetahi roopu iti.

Ki au nei, he ahua orite teera ki te whakawhirinaki katoa ki te tuutei [sentinel/gatekeeper]. Engari, ka aha? Me pehea taatou ina kua taka taua tuutei? Ka aha taatou ina ka RUPAHU? Me pehea te mohio, ina kua huri tuara taua tuutei, a, ka 'kapo' haere taua tuutei mo te wa poto, katahi ka tau mai te hoariri ki te whakamate i a taatou?? Ka aha taatou ina kei te peera?
-

Ki oku nei mohio, roa te wa, ko te reo teera e noho tupono ana.

Ae ra, he maha nga reo irirangi Maori, Kei reira a Whakaata Maori, Ko nga Kura, nga kohanga me nga waananga eera e korero, e whakaora ai i to taatou reo.

Engari, ae, kei te mohio pai, mohio whaanui, ehara ma aua roopu, aua mahi no raatou noa iho e whakaora tika ai i to taatou reo.

Ano ra, kei te kite tonu taatou, kei te noho tupono te reo.
-

No reira ka aha taatou??? Ka aha te reo???

-

Ma nga Wananga noa iho? Ma nga Kura noa iho? Ma nga kohanga noa iho? Ma nga reo irirangi noa iho? Ma Whakaata Maori noa iho?
 -

Ina kei te peera, me pehea ma taatou? Ka aha te tangata ina ko tana waerehe, tana pouaka whaakata noaiho eera e korero te reo??
-

Ki oku nei whakaaro, he roa te waa!!! Roa te waa i te noho peera me te whakaaro, me whakawhirinaki noaiho ki enei roopu, enei mahi noaiho hei whakakaha, hei whakaora ai te reo.

Engari, anoo ra te kii, kei te noho tuupono te reo.
_____

Nei ka mihi kia tika, ki too tatou Minita Take Maori o Te Puni Kokiri.

Kua taka te kapa mo tenei o wa taatou Matua, tenei o wa taatou rangatira.

Kua whai te Minita i te mohio, me whakawhaanui, me whakanui, me rahi haere nga mahi KATOA hei whakaora ai to tatou reo.

Kei te mohio pai te Minita, ehara teenei reo o taatou he reo tuutei, he reo pakipaki.

Ko tenei reo o taatou, na taatou, ma taatou.

Kia au nei, ae, whakakaha i nga rautaki, me nga roopu kua whakaputa kaha ana mai raa ano.
Peera i te Panikiretanga, Te Ataarangi hoki. Maha ake atu i a ratou. ae, me whakakaha hoki i a ratou.
-

Engari kaua wareware, Taa te wharangi ipurangi o Tatauranga Aotearoa e 668,724, e kia nei, he uri Maori.
A, ko raatou eera e noho ki konei, ki Aotearoa.
Hei taa Wikipiiria, e 146,805 nga Maori e noho ki te Ao Whanui.
No reira e ahua 815,529 nga Maori me o taatou uri e ora ana, e noho ana ki tenei Ao o taatou.
-

Ano ra, me maumahara taatou, ki to taatou ake Mana Maori. Ma taua mana, ko taatou te Maori, nga tohunga [experts] nga rangatira [leaders] o te Ao taketake. Taa te Kotahitanga o Nga Iwi o te AO, E  ahua 370,000,000 nga iwi taketake o te Ao.

He nui nga mahi kei mua te aroaro, kei mua i a taatou katoa. Ina hoki, ki te mate te reo, ka noho tuupono katoa, nga reo me nga tikanga o wa taatou Matua Tupuna.

Ano ra, ki te mate te reo Maori, ka mate tatou, a, kahore he paku awhero mo nga hunga taketake 370,000,000 o te Ao whanui!!!!

No reira, me noho tupono te Ao taketake katoa i roto i nga ringaringa iti o te roopu iti????

Ki au nei,  Me kaua maa tetahi roopu iti, roopu pakupaku e "whakakaha" i to taatou reo.
Ina kei te peera, ka mate rawa te reo.
 -

Ki au nei, maa te kotahitanga, ma te nui, ma te rahi, ka ora taatou, ka toa te katoa.

No reira, ma nga IWI te reo e kawe. Ma nga hapu me nga whanau e whakakotahi i raro i te maru o wa taatou roopunga iwi, e whakakaha nga rautaki o nga IWI kia ora pai, kia ora tonu te reo.

Kia au nei, ina kei te pirangi maatou ki ora pai, ora tonu ai i to taatou reo, ma taatou kee teera.
-

Ehara taku toa i te toa takitahi, Engari ma te toa takatini.

Mo te roanga ake o enei korero, whakapaa atu ki te wharangi ipurangi:

http://www.tpk.govt.nz/en/newsevents/news/change-of-governance-proposed-in-maori-language-strategy/



Disclaimer: I acknowledge in English, that this blog entry may not be written in perfect Maori. But neverthless these are my views. And really the point of this blog is what is really important, i.e. that we need a world-beating strategy to enliven and properly revitalise the language of our ancestors, this pure language, The Maori Language.